• Division

    All Divisions

    yana

    chakra

  • Home
  • ཀུན་མཁྱེན་དོལ་པོ་པ་ཤེས་རབ་རྒྱལ་མཚན་གྱི་གསུང་འབུམ། Works of Dolpopa 篤補巴·喜饒堅贊大師全集
  • ཀ
  • རི་ཆོས་ངེས་དོན་རྒྱ་མཚོའི་ས་བཅད་བཞུགས།

1-1-1

༄༅། །རི་ཆོས་ངེས་དོན་རྒྱ་མཚོའི་ས་བཅད་བཞུགས། སྟོན་པའི་ཞལ་ནས་བྱུང་བ་སྐྱེ་བོའི་མིག་གི་རབ་རིབ་ཞི་བར་མཛད་པ་བཀྲ་ཤིས་ཀྱི། ། འབྱུང་གནས་སེམས་ལ་ཞོག་ཤིག་གང་ཕྱིར་འདི་ནི་ལུས་ཅན་རྣམས་ཀྱི་རྣ་བའི་བདུད་རྩི་ དང༌། ། ཉོན་མོངས་པའི་ནད་ཀུན་ཞི་བར་མཛད་པ་ཡིན་པས་དེ་དོན་ཡང་དག་བསམ་པར་རིགས། ། རྒྱུ་འདི་རྣམས་ཀྱིས་རྟག་ཏུ་གུས་པར་སངས་རྒྱས་ཀྱི་ནི་གསུང་དག་མཉམ་པར་བྱ་བའི་ རིགས། ། ༄༅༅། །ཨོཾ་ཨཱཿ་ཧཱུཾ་ཧོཿཧཾ་ཀྵཿན་མཿ རྗེ་བཙུན་བླ་མ་དམ་པ་དང༌། སྟོང་གཞི་དོན་དམ་ཆོས་ཀྱི་དབྱིངས་ལ་ཕྱག་འཚལ་ཞིང་སྐྱབས་སུ་ སོང་ནས། འདིར་ངེས་དོན་མཐར་ཐུག་པའི་གསུང་རབ་ཟབ་དགུའི་སྙིང་པོ་བསྡུས་པའི་མན་ངག་ཐུན་མོང་མ་ཡིན་བ་འདི་བཤད་ པ་ལ་གསུམ། བཤད་པ་ལ་འཇུག་པ།(ཨོཾ་གུ་རུ་)ཞུགས་པའི་བཤད་པ་དངོས། བཤད་པའི་དགེ་བ་བསྔོ་བའོ། །(དེ་ལྟར་རྒྱལ་ བའི་) བཤད་པ་དངོས་ལ་གསུམ། གཞི་ལམ་འབྲས་བུ་མདོར་བསྟན་པ། དེ་རྣམས་སོ་སོར་རྒྱས་པར་བཤད་པ། དེ་རྣམས་ཉེ་བར་ བསྡུས་ཏེ་གདམས་པའོ། །(དེ་ལྟར་དོན་དམ་) དང་པོ་ལ་གསུམ། ངེས་དོན་གྱི་གཞི་ལམ་འབྲས་བུ་བསྡུས་ནས་བསྟན་ པ།(འདིར་ཐར་པའི་མཆོག་) དེ་རྣམས་ལུང་གིས་གྲུབ་ཚུལ་བསྡུས་ནས་བསྟན་པ།(འདིར་དེ་དག་དེ་ལྟར་ཡིན་) སྐུ་ གཉི་གའི་གཞི་ལམ་འབྲས་བུ་བསྡུས་ནས་བསྟན་པའོ། །(དེ་ལྟར་ཆོས་ཉིད་རྣམ་པར་) སོ་སོར་རྒྱས་བཤད་ལ་གསུམ། གཞི་ ལ་དོན་དམ་གྱི་སངས་རྒྱས་གདོད་ནས་བཞུགས་ཚུལ། དེ་ཐོབ་པར་ནུས་པའི་ལམ་མཆོག་ཟབ་མོ་བསྟེན་ཚུལ། ལམ་གྱིས་བྲལ་བ་ དང་བསྐྱེད་པའི་འབྲས་བུ་ཐོབ་ཚུལ་བཤད་པའོ། །དང་པོ་ལ་བདུན། ཆོས་ཉིད་ཟབ་མོ་ཀུན་གཞི་ཡེ་ཤེས་སུ་བསྟན་པ།(ད་ནི་དེ་) དེ་རྣམ་དག་ལུང་གིས་ལེགས་པར་སྒྲུབ་པ། ལུང་ལ་མི་མཁས་པས་བརྟགས་པའི་ལྟ་ངན་སྤང་བར་གདམས་པ། དེ་ལ་མ་དད་པའི་ ཉེས་དམིགས་སྤང་བར་གདམས་པ། དེ་ལ་དད་པའི་ཕན་ཡོན་བླང་བར་གདམས་པ། དེ་ལ་འཆལ་པའི་ལོག་རྟོག་སྣ་ཚོགས་སྤང་བ། དེ་རྣམས་ཀྱི་དོན་བསྡུས་ནས་བསྟོད་ཅིང་ཕྱག་འཚལ་བའོ། །(གནས་ལུགས་ཟབ་མོ་) གཉིས་པ་ལ་བཅུ་བཞི། དབྱིངས་རིག་ དབྱེར་མེད་ཀྱི་ལྷ་ཐམས་ཅད་བརྟན་གཡོ་ཀུན་ལ་ཁྱབ་པར་བཞུགས་ཚུལ། དེ་ལྟར་བཞུགས་པ་དེ་ཉིད་དོན་དམ་ཆོས་ཉིད་ཀྱི་ དཀོན་མཆོག་གསུམ་ག་ཡིན་ཚུལ།(འདིར་དོན་དམ་གྱི་) ཡང་དེ་ཉིད་བདེ་གཤེགས་སྙིང་པོ་ཡིན་ཚུལ་དཔེ་དོན་མང་པོས་ བསྟན་པ།(གཞན་ཡང་དེ་བཞིན་གཤེགས་) ཡང་དེ་ཉིད་རང་བཞིན་དུ་གནས་པའི་རིགས་དང་དོན་གཅིག་ཏུ་བསྟན་

1-1-2

པ།(དབུ་མ་ཆེན་པོ་རྒྱུད་བླ་) ཡང་དེ་ཉིད་རྒྱུད་སྡེར་གསུངས་པའི་རིགས་ཀྱི་དབྱེ་བསྡུ་དང་དོན་གཅིག་ཏུ་བསྟན་ པ།(རིགས་དེ་ཡང་) ཡང་དེ་ཉིད་ཆོས་ཉིད་ཟབ་མོའི་རྒྱུད་དང་རྡོ་རྗེའི་རིགས་སུ་བཞུགས་ཚུལ།(དེ་བཞིན་དུ་རང་) ཡང་ དེ་ཉིད་ནམ་མཁའ་ལྟར་གཞི་འབྲས་ངོ་བོ་དབྱེར་མེད་ཀྱི་རྒྱུད་དུ་བཞུགས་ཚུལ།(དེ་བཞིན་དུ་གཞི་) ཡང་དེ་ཉིད་དོན་དམ་ ཆོས་སྐུའི་གནས་སྐབས་གསུམ་དུ་བཞུགས་ཚུལ།(ཡང་དེ་ཉིད་དུ་མ་དག་) ཡང་དེ་ཉིད་དེ་བཞིན་ཉིད་ལ་སོགས་པའི་གནས་ སྐབས་གསུམ་དུ་བཞུགས་ཚུལ།(འབུམ་པ་རྒྱ་ཆེར་) ཡང་དེ་ཉིད་ཉོན་མོངས་ཆེན་པོ་ལ་སོགས་པ་སྔགས་ཀྱི་རིགས་དུ་མར་ བཞུགས་ཚུལ།(དེ་བཞིན་དུ་རང་བཞིན་གྱིས་) ཡང་དེ་ཉིད་གཞི་འབྲས་དབྱེར་མེད་ཀྱི་མྱང་འདས་དང་ཆོས་སྐུ་ལ་སོགས་ པར་བཞུགས་ཚུལ།(མྱང་འདས་ཆེན་པོར་) ཡང་དེ་ཉིད་གཞི་འབྲས་དབྱེར་མེད་ཀྱི་ཆོས་ཉིད་ཡོངས་གྲུབ་ཏུ་བཞུགས་ ཚུལ།(དེ་བཞིན་དུ་ལང་ཀར་) ཡང་དེ་ཉིད་དོན་དམ་ཆོས་སྐུ་དང་དེའི་ཡོན་ཏན་ཀུན་འདུས་སུ་བཞུགས་ཚུལ།(དེ་ལྟར་ ཆོས་ཐམས་ཅད་ཀྱི་) དོན་དེ་ལྟར་འཕགས་པ་ཀླུ་སྒྲུབ་ཡབ་སྲས་ཀྱང་བཞེད་པར་བསྟན་པའོ། །(གལ་ཏེ་གཞན་) དང་པོ་ ལ་གཉིས། རྒྱུའི་མཚན་ཉིད་ཕ་རོལ་ཏུ་ཕྱིན་པ་ལས་གསུངས་ཚུལ།(དེ་ཡང་ཐེག་པ་) འབྲས་བུའི་མཚན་ཉིད་གསང་སྔགས་ ཟབ་མོ་ལས་གསུངས་ཚུལ་ལོ། །(དེ་བཞིན་དུ་དཔལ་ཀྱེ་) ལུང་ལ་མི་མཁས་པས་བརྟགས་པའི་ལྟ་ངན་སྤང་བར་གདམས་པ་ ལ་བཅུ་གཅིག དགོས་པ་བསྟན་པ་ལས་དྲང་དོན་དུ་འཁྲུལ་བའི་སྡིག་ལྟ་སྤང་བ། བདེ་གཤེགས་སྙིང་པོ་དོན་ལ་མེད་ན་ཧ་ཅང་ ཐལ་བའི་ཤེས་བྱེད་དགོད་པ།(གལ་ཏེ་བདེ་གཤེགས་) དག་པའི་བདག་སོགས་དོན་ལ་མེད་ན་ཧ་ཅང་ཐལ་བའི་ཤེས་བྱེད་ དགོད་པ།(གལ་ཏེ་བདག་) བདག་ཡོད་མེད་ལ་སོགས་པ་འགལ་བར་སྣང་ཡང་སྐྱོན་མེད་པའི་རྒྱུ་མཚན་བསྟན་པ།(སྔར་ བདག་མེད་གསུངས་) དག་པའི་བདག་དང་ཨ་ཧཾ་ལ་སོགས་པ་དོན་གཅིག་ཏུ་བསྟན་པ།(དེ་བཞིན་དུ་ཕྱག་རྒྱ་) དག་ པའི་བདག་གི་དབྱིངས་དང་ཤེར་ཕྱིན་དོན་གཅིག་ཏུ་བསྟན་པ།(དེ་བཞིན་དུ་ཡུམ་) གནས་ལུགས་ལ་མི་མཁས་པ་བཀག་ ནས་གཞི་ཇི་བཞིན་པའི་བཞུགས་ཚུལ་བསྟན་པ།(དེ་བཞིན་དུ་ཨུ་དུམ་) བདེ་གཤེགས་སྙིང་པོ་ས་བོན་ལ་གསུངས་པའི་ དགོངས་པ་བསྟན་པ།(གལ་ཏེ་བདེ་གཤེགས་) དེས་ན་དོན་དམ་གྱི་ཡོན་ཏན་ཚང་བར་བཞུགས་ཚུལ་བསྡུས་ཏེ་བསྟན་ པ།(དེ་བས་ན་ཆོས་)དེ་ལྟར་གཞི་ལ་རྟག་ཏུ་བཞུགས་ཀྱང་རྣམ་ཤེས་ལ་མི་སྣང་བའི་རྒྱུ་མཚན་བསྟན་པ།(དེ་ལྟ་ན་ཡང་ སེམས་ཅན་) དེ་ལྟར་མི་བཞུགས་ན་དོན་དམ་ཡང་མེད་པར་ཧ་ཅང་ཐལ་བས་གནོད་ཚུལ་ལོ། །(གལ་ཏེ་བདེ་གཤེགས་) དང་པོ་ལ་གཉིས། རྒྱུད་བླ་མར་དགོས་པ་བསྟན་པ་ལས་དྲང་དོན་དུ་འཁྲུལ་བའི་སྡིག་ལྟ་སྤང་བ་དང༌།(གལ་ཏེ་རྒྱུད་བླ་) ལང་ ཀར་གཤེགས་པར་དགོས་པ་བསྟན་པ་ལས་དྲང་དོན་དུ་འཁྲུལ་པའི་སྡིག་ལྟ་སྤང་བའོ། །(དེའི་ཕྱིར་དེ་ལྟར་)དེ་ལ་མ་དད་ པའི་ཉེས་དམིགས་སྤང་བར་གདམས་པ་ལ་གཉིས། ཉེས་དམིགས་མང་པོ་སྤང་བར་གདམས་པ་དང༌།(དེ་ལྟ་མ་ཡིན་ན་ཉེས་) དེའི་ཐབས་ལ་གུས་པར་གདམས་པའོ། །(དེ་ཡང་མྱང་འདས་) དེ་ལ་དད་པའི་ཕན་ཡོན་བླང་བར་གདམས་པ་ལ་གཉིས། ཕན་ཡོན་རླབས་ཆེན་ཐོབ་པར་བྱ་བ་དང༌།(དད་ཅིང་གུས་པ་དང་)དེའི་ཐབས་ལ་བརྩོན་པར་གདམས་པའོ། །(དེ་ལྟར་ བདེ་གཤེགས་སྙིང་པོ་) དེ་ལ་འཆལ་པའི་ལོག་རྟོག་སྣ་ཚོགས་སྤང་བ་ལ་གསུམ། སེམས་ཅན་ཐམས་ཅད་ལ་སྤངས་རྟོགས་ ཚང་བར་ཐལ་བ་སྤང་བ།(གལ་ཏེ་སེམས་ཅན་) སེམས་ཅན་ཐམས་ཅད་ཀྱིས་ཚོགས་གཉིས་བསགས་པར་ཐལ་བ་སྤང་ བ།(ཡང་སེམས་ཅན་ལ་) སྦྱང་གཞི་སྦྱང་བྱ་ལ་སོགས་ལ་འཁྲུལ་པའི་ལོག་རྟོག་སྤང་བའོ། །(གལ་ཏེ་སྦྱང་གཞི་) གཞིའི་ སྐབས་སོ། །(གཞི་ལ་) དེ་ཐོབ་པར་ནུསཔའི་ལམ་མཆོག་ཟབ་མོ་བསྟེན་པ་ལ་གསུམ། ཐེག་ཆེན་ལམ་གྱི་རྣམ་བཞག་སྤྱིར་བསྟན་

1-1-3

པ། ཐུན་མོང་མ་ཡིན་པའི་ལྟ་བ་ཁྱད་པར་དུ་བཤད་པ། བཤད་པའི་དོན་བསྡུས་ཏེ་གདམས་ཤིང་སྨོན་ལམ་གདབ་པའོ། །(དེ་ལྟ་ བས་ན་ཡང་དག་) དང་པོ་ལ་བཅུ། ལམ་རྣམ་དག་དགོས་པའི་རྒྱུ་མཚན་བསྟན་པ།(དེ་ལྟར་དོན་དམ་) རང་སྟོང་ རྟོགས་པའི་ལྟ་བ་རྣམ་དག་བསྟན་པ།(དེ་ལ་ཡང་དག་པའི་) རྟོག་མེད་སྤྲོས་བྲལ་གྱི་སྒོམ་པ་རྣམ་དག་བསྟན་པ།(དེའི་ ངང་ལ་) དེ་ལ་མན་ངག་གི་གནད་ཟབ་མོ་དགོས་པར་བསྟན་པ།(དེ་ལྟར་མི་སྒོམ་པའི་) ཐུན་མོང་གི་སྒོམ་པ་དང་སྤྱོད་པ་ རྣམ་གཉིས་གཞན་དུ་བསྟན་པ།(བྱམས་སྙིང་རྗེ་) འདིར་ཡོད་མེད་ལ་སོགས་པ་ལེགས་པར་ཕྱེ་ནས་ངོ་སྤྲད་པ།(དེ་ལྟར་ ལུས་སེམས་) དེ་ལ་འཁོར་ལོ་གསུམ་དང་སྔགས་ཀྱི་དོན་ཤེས་དགོས་པར་བསྟན་པ།(དེ་ཅིའི་ཕྱིར་) འཁོར་ལོ་གསུམ་གྱིས་ དྲི་མ་རིམ་གསུམ་སྦྱོང་ཚུལ་དཔེ་ཡིས་བསྟན་པ།(དེ་ལ་འཁོར་ལོ་) འཁོར་ལོ་གསུམ་གྱི་ཁྱད་པར་ལེགས་པར་ཕྱེ་སྟེ་གཏན་ལ་ དབབ་པ།(འཁོར་ལོ་གསུམ་ལ་) དེ་ལ་འཁྲུལ་པའི་ལོག་རྟོག་མང་པོ་བསལ་བའོ། །(འདིར་ཁ་གཅིག་) ཐུན་མོང་མ་ཡིན་ པའི་ལྟ་བ་ཁྱད་པར་དུ་བཤད་པ་ལ་གཉིས། བཤད་པར་དམ་བཅའ་བ་དང༌།(དེའི་ཕྱིར་འཁོར་ལོ་) བཤད་པའི་དོན་དངོས་ སོ། །འདི་ལ་ལྔ། སྟོང་མི་སྟོང་དང་ཡོད་མེད་ལ་སོགས་པར་གསུངས་པས་རང་སྟོང་འདི་ལས་གཞན་པའི་སྟོང་ཉིད་ཟབ་མོ་གྲུབ་ ཚུལ། སྟོང་གཞིའི་རྣམ་གྲངས་མང་པོ་གསུངས་པའི་རྒྱུ་མཚན་གྱིས་རང་སྟོང་འདི་ལས་གཞན་བའི་ཆོས་ཉིད་གྲུབ་ཚུལ། རྣམ་དག་ ཆོས་ཉིད་ཀྱི་གཟུགས་ནས་རྣམ་མཁྱེན་གྱི་བར་གསུངས་པས་རང་སྟོང་ལས་གཞན་པའི་དོན་དམ་གྲུབ་ཚུལ། དེ་རྣམས་ལ་ལོག་རྟོག་ སྣ་ཚོགས་བསལ་ནས་དོན་ཇི་ལྟར་ཡིན་པ་བཞིན་གཏན་ལ་དབབ་པ།(གལ་ཏེ་རྒྱལ་བའི་) དེ་ལྟར་དོན་བཞིན་རྟོགས་པའི་ ཡང་དག་ལྟ་བས་ཕྱིན་ཅི་ལོག་ཐམས་ཅད་སྤོང་ཚུལ་ལོ། །(དེ་ལྟར་ཡང་དག་པའི་) དང་པོ་ལ་གཉིས། སྟོང་ཚུལ་གྱི་རྣམ་ དབྱེ་དུ་མ་མདོར་བསྟན་པ། དེ་དག་གི་དོན་རྒྱས་པར་བཤད་པས་གཏན་ལ་དབབ་པའོ། །དང་པོ་ལ་བཞི། ཆོས་དང་ཆོས་ཉིད་རང་ གི་ངོ་བོས་སྟོང་མི་སྟོང་དུ་དབྱེ་བ།(དེ་ཡང་ཨུ་དུམ་བ་རའི་) དེ་ཉིད་སྟོང་པའི་སྟོང་པ་དང་མི་སྟོང་པའི་སྟོང་པར་གསུངས་ ཚུལ།(གཞན་ཡང་ཐམས་ཅད་) ཡང་དེ་ཉིད་གློ་བུར་དྲི་མ་དང་བདེ་གཤེགས་སྙིང་པོའི་སྟོང་ཚུལ་དུ་གསུངས་པ།(ཡང་ མདོ་དེ་ཉིད་) དེ་དག་ལས་གསང་སྔགས་ཟབ་མོའི་སྟོང་ཆེན་ཁྱད་པར་དུ་ངོས་གཟུང་བའོ། །(དེ་བཞིན་དུ་དཔལ་) དེ་ དག་གི་དོན་རྒྱས་པར་བཤད་པས་གཏན་ལ་དབབ་པ་ལ་དགུ། གང་གིས་སྟོང་པ་དང་སྟོང་པའི་གཞི་གང་ཡིན་གཏན་ལ་དབབ་ པ།(དེ་ལྟར་རང་སྟོང་) དེ་ཉིད་གཤིས་ལ་ཡོད་པ་དང་མེད་པའི་དོན་དུ་གསུངས་ཚུལ།(གཞན་ཡང་ཡང་) དེ་ལྟར་ རྟོགས་ན་ཡོད་མེད་རྟག་ཆད་སྒྲོ་སྐུར་ལས་འདས་ཚུལ།(འདིར་ཡོད་མིན་) སྟོང་ཚུལ་དེ་ཉིད་རྒྱལ་བའི་ཡུམ་གྱི་དགོངས་པ་ ཡིན་པར་བསྟན་པ།(འབུམ་པ་རྒྱ་ཆེར་) སྟོང་ཚུལ་དེ་ཉིད་བསལ་བཞག་མེད་པ་དང་སྟོང་མི་སྟོང་གི་དོན་དུ་གསུངས་ ཚུལ།(རྒྱུད་བླ་མ་རྩ་) སྟོང་ཚུལ་དེ་ཉིད་གནས་ལུགས་ལ་ཡོད་མེད་དང་སྤངས་རྟོགས་ལ་སོགས་པའི་དོན་དུ་གསུངས་ ཚུལ།(མྱང་འདས་ཆེན་པོ་) སྟོང་གཞི་དོན་དམ་གཞན་སྟོང་ལ་ལུང་འགལ་གྱི་ལོག་རྟོག་བསལ་བ།(འདིར་གལ་ཏེ་) སྟོང་ གཞི་དེ་ཉིད་གནས་ལུགས་ཟབ་མོའི་སྟོང་ཉིད་ཆེན་པོར་གསུངས་ཚུལ།(གཞན་ཡང་དོན་དམ་) དེ་ལྟར་སྟོན་པའི་གཞུང་ ལུགས་རྣམས་ལ་སྒྲོ་སྐུར་སྤང་བའོ། །འདི་ལ་བཅུ། འཁོར་ལོ་གསུམ་པ་སེམས་ཙམ་དུ་འདོད་པ་ལ་ཤེས་བྱེད་མེད་ཅིང་གནོད་བྱེད་ ཡོད་པར་བསྟན་པ།(གལ་ཏེ་བཀའ་) དེའི་དགོངས་འགྲེལ་ཟབ་མོ་རྣམས་ཀྱང་དེ་དང་འཐུན་པར་བསྟན་པ།(དེ་རྣམས་ཀྱི་ དགོངས་པ་) ཁྱད་པར་དུ་དབུས་མཐའ་སེམས་ཙམ་དུ་འདོད་པ་ལ་ཡང་སྐྱོན་དེ་མཚུངས་པར་བསྟན་པ།(དེ་བཞིན་དུ་ དབུས་) སེམས་ཙམ་ལ་བདེན་གཉིས་ཀྱི་དབྱེ་བ་མ་ཤེས་པས་འགའ་ཞིག་འཁྲུལ་བར་བསྟན་པ།(དེ་བཞིན་དུ་ལང་ཀར་)

1-1-4

དོན་དམ་གྱི་སེམས་ཙམ་གསང་སྔགས་ཟབ་མོ་རྣམས་སུ་ཡང་བསྟན་ཚུལ།(དེ་དང་རྗེས་སུ་) འགའ་ཞིག་ཏུ་ཀུན་རྫོབ་ཀྱི་ སེམས་ཙམ་གསུངས་པའི་དགོངས་པ་བསྟན་པ།(ཡང་གལ་ཏེ་འདི་) མངོན་པ་ལ་སོགས་པ་གཞུང་གཞན་ལ་ཡང་སྐུར་ འདེབས་ཀྱི་སྐྱོན་བསལ་བ།(དེ་བཞིན་དུ་ཆོས་མངོན་) གནས་སྐབས་སུ་སེམས་ཙམ་སྟོན་པས་དེའི་རང་གཞུང་དུ་འགྱུར་ན་ ཧ་ཅང་ཐལ་བ།(གལ་ཏེ་གནས་སྐབས་) རྒྱུད་སྡེ་རྣམས་ཀྱང་སེམས་ཙམ་དུ་འདོད་ན་དེའི་དགོངས་པ་མ་ཤེས་པར་བསྟན་ པ།(དེ་བཞིན་དུ་དུས་འཁོར་) དེས་ན་ཤན་འབྱེད་པའི་མན་ངག་ཡོད་མེད་ཀྱི་ཕན་ཡོན་དང་ཉེས་དམིགས་བསྟན་ པའོ། །(དེ་ཉིད་ཀྱི་ཕྱིར་ན་གནས་) སྟོང་གཞིའི་རྣམ་གྲངས་མང་པོ་གསུངས་པའི་རྒྱུ་མཚན་གྱིས་རང་སྟོང་འདི་ལས་གཞན་ པའི་ཆོས་ཉིད་གྲུབ་ཚུལ་ལ་གཉིས། རྣམ་གྲངས་དངོས་དང༌། རྣམ་གྲངས་ཀྱི་དགོས་པའོ། །(དེ་ལྟར་དོན་གཅིག་) དང་པོ་ལ་ གཉིས། རྣམ་གྲངས་མང་པོ་ཅན་གྱི་སྟོང་ཆེན་ཟབ་མོ་མདོར་བསྟན་པ།(དེའི་ཕྱིར་ལྟ་བ་) རང་སྟོང་དང་དོན་དམ་ལ་སོགས་པ་ རྣམ་གྲངས་སུ་འདོད་པ་ལ་གནོད་བྱེད་རྒྱས་པར་བཤད་པའོ། །འདི་ལ་བཅུ་གསུམ། རང་སྟོང་དང་དེ་བཞིན་ཉིད་རྣམ་གྲངས་ཡིན་ ན་ཧ་ཅང་ཐལ་བ།(གལ་ཏེ་དེ་བཞིན་) རང་སྟོང་དང་ཡང་དག་པའི་མཐའ་རྣམ་གྲངས་ཡིན་ན་ཧ་ཅང་ཐལ་བ།(དེ་བཞིན་ དུ་ཡང་དག་) རང་སྟོང་དང་མཚན་མ་མེད་པའི་དབྱིངས་རྣམ་གྲངས་ཡིན་ན་ཧ་ཅང་ཐལ་བ།(དེ་བཞིན་དུ་རང་སྟོང་) རང་སྟོང་དང་དོན་དམ་བདེན་པ་རྣམ་གྲངས་ཡིན་ན་ཧ་ཅང་ཐལ་བ།(དེ་བཞིན་དུ་རང་སྟོང་) རང་སྟོང་དང་ཆོས་ཀྱི་ དབྱིངས་རྣམ་གྲངས་ཡིན་ན་ཧ་ཅང་ཐལ་བ།(དེ་བཞིན་དུ་རང་སྟོང་) རང་སྟོང་དང་དོན་དམ་བྱང་སེམས་རྣམ་གྲངས་ཡིན་ ན་ཧ་ཅང་ཐལ་བ།(གཞན་ཡང་དོན་དམ་) དེ་རྣམས་ལ་ཉེས་སྤོང་གི་ལན་ཡང་སྐབས་ཇི་ལྟ་བར་དགག་པ།(གལ་ཏེ་སྡིག་ པ་) གནས་ལུགས་ཀྱི་བྷ་ག་དང་རང་སྟོང་རྣམ་གྲངས་ཡིན་ན་ཧ་ཅང་ཐལ་བ།(གཞན་ཡང་མཐར་ཐུག་) གནས་ལུགས་ཀྱི་ རྡོ་རྗེ་དང་རང་སྟོང་རྣམ་གྲངས་ཡིན་ཧ་ཅང་ཐལ་བ།(གཞན་ཡང་རྒྱུད་སྡེ་) གནས་ལུགས་ཀྱི་ཕྱག་རྒྱ་ཆེན་མོ་ལ་སོགས་པ་ དང་རང་སྟོང་རྣམ་གྲངས་ཡིན་ན་ཧ་ཅང་ཐལ་བ།(གཞན་ཡང་རང་སྟོང་ལས་) གནས་ལུགས་ཀྱི་གསང་པ་གསང་ཆེན་ལ་ སོགས་པ་དང་རང་སྟོང་རྣམ་གྲངས་ཡིན་ན་ཧ་ཅང་ཐལ་བ།(གཞན་ཡང་དཔལ་) གནས་ལུགས་ཀྱི་གྲུ་གསུམ་ཆོས་འབྱུང་ལ་ སོགས་པ་དང་རང་སྟོང་རྣམ་གྲངས་ཡིན་ན་ཧ་ཅང་ཐལ་བ།(གཞན་ཡང་དཔལ་) དོན་དམ་གྱི་རྣམ་གྲངས་གཞན་མང་པོ་ གསུངས་པ་ཡང་རང་སྟོང་ལས་གཞན་དུ་བསྟན་པའོ། །འདི་ལ་གསུམ། སྤྱོད་བསྡུས་སྒྲོན་མར་གསུངས་པ་ཡང་རང་སྟོང་ལས་ གཞན་དུ་བསྟན་པ།(དེ་བཞིན་དུ་སློབ་དཔོན་) དོན་དམ་གྱི་མཚན་བརྗོད་དུ་གསུངས་པ་ཡང་རང་སྟོང་ལས་གཞན་དུ་ བསྟན་པ། མྱང་འདས་ཆེན་པོ་ལ་སོགས་པར་གསུངས་པ་ཡང་རང་སྟོང་ལས་གཞན་དུ་བསྟན་པའོ། །(དེ་བཞིན་དུ་མྱང་ འདས་) བར་པ་ལ་བཅུ་གསུམ། ཞུས་ལན་གྱི་སྐབས་སུ་གསུངས་པ།(དེ་ཡང་དཔལ་) སྔགས་ཀྱི་རིགས་དྲུག་ལ་གཟིགས་པའི་ སྐབས་སུ་གསུངས་པ།(གསང་སྔགས་མཐའ་) སྒྱུ་འཕྲུལ་དྲ་བས་བྱང་ཆུབ་པར་གསུངས་པ།(སྔགས་ཀྱི་རྒྱལ་པོ་) རྡོ་རྗེ་ དབྱིངས་ཀྱི་དཀྱིལ་འཁོར་ཆེན་པོར་གསུངས་པ།(ཨ་ལས་བྱུང་) ཆོས་ཀྱི་དབྱིངས་ཀྱི་ཡེ་ཤེས་སུ་གསུངས་པ།(སངས་རྒྱས་ ཆེན་) མེ་ལོང་ལྟ་བུའི་ཡེ་ཤེས་སུ་གསུངས་པ།(རྡོ་རྗེ་འཇིགས་)སོ་སོར་རྟོག་པའི་ཡེ་ཤེས་སུ་གསུངས་པ།(ཡང་དག་) མཉམ་པ་ཉིད་ཀྱི་ཡེ་ཤེས་སུ་གསུངས་པ།(འདོད་པའི་དོན་) བྱ་བ་གྲུབ་པའི་ཡེ་ཤེས་སུ་གསུངས་པ།(སངས་རྒྱས་ཀུན་) ཡེ་ཤེས་ལྔ་ལ་ཕྱག་འཚལ་བར་གསུངས་པ།(མཆོག་སྦྱིན་) དེ་རྣམས་ཀྱི་དོན་གཞན་སྟོང་དུ་གཅིག་པར་བསྟན་པ།(དེའི་ཕྱིར་ རྒྱུད་) དེ་ལ་ཀླན་ཀ་སྤངས་ནས་དོན་ལ་གནས་པ་བསྟན་པ།(གལ་ཏེ་མཐར་ཐུག་) གདམས་པའི་ཚུལ་གྱིས་མཇུག་བསྡུ་

1-1-5

བའོ། །(དེ་ལྟ་བས་ན་) རྣམ་དག་ཆོས་ཉིད་ཀྱི་གཟུགས་ནས་རྣམ་མཁྱེན་གྱི་བར་གསུངས་པས་རང་སྟོང་ལས་གཞན་པའི་དོན་ དམ་གྲུབ་ཚུལ་ལ་བཅུ། རྣམ་དག་ཆོས་ཉིད་ཀྱི་གཟུགས་སོགས་མདོར་བསྟན་པ།(དེ་ལྟར་རྣམ་གྲངས་) དེ་རྣམས་སྔགས་དང་ སྦྱར་ནས་རྒྱས་པར་བཤད་པ། ཁམས་གསུམ་དང་དུས་གསུམ་ལས་འདས་པའི་གཟུགས་སོགས་ཀྱང་དེ་དང་མཚུངས་ཚུལ།(ཡང་ དེ་རྣམས་ཉིད་) དེ་ལྟར་མ་རྟོགས་ན་རང་སྟོང་བསྒོམས་པས་སངས་རྒྱས་མི་ཐོབ་པར་བསྟན་པ།(དེ་ལྟ་བས་ན་རང་) དེ་ རྣམས་ལ་ལུང་འགལ་མང་པོ་སྤངས་ནས་ཡིན་ལུགས་གཏན་ལ་དབབ་པ།(གལ་ཏེ་ཆོས་ཀྱི་) དེ་རྣམས་ཐོབ་པ་ལ་མ་དག་པའི་ ཕུང་པོ་འདི་རྣམས་འགག་དགོས་པར་བསྟན་པ།(དེ་ལྟར་རང་བཞིན་) དེ་རྣམས་ཐོབ་ན་གཞན་ཨེ་བཾ་ལ་སོགས་པ་གནས་ ལུགས་ཟབ་མོ་ཀུན་ཐོབ་པར་བསྟན་པ།(དེ་ལྟར་མི་རྟག་) ཐོབ་བྱ་དེ་ཉིད་ཕྱི་ནང་ཀུན་རྫོབ་འདི་ལས་གཞན་མཆོག་ཕ་རོལ་ ཡིན་པར་བསྟན་པ།(གདོད་ནས་སྒྲིབ་བྲལ་) དེ་རྣམས་རང་སྟོང་དང་དོན་གཅིག་ཏུ་དོགས་པའི་མཐའ་མང་པོ་བསལ་ བ།(གལ་ཏེ་རང་སྟོང་) ཐོབ་བྱ་དེ་ལ་དད་པ་ལ་སོགས་པའི་ཕན་ཡོན་རླབས་ཆེན་བསྟན་པའོ། །(ཐེག་པ་ཆེན་པོའི་) གཉིས་པ་ལ་བཅྭ་བརྒྱད། རྣམ་དག་ཆོས་ཉིད་ཀྱི་ཕུང་པོ་རྣམས་རྒྱལ་བ་ལྔ་དང་ཡེ་ཤེས་ལྔར་རྟག་ཏུ་བཞུགས་ཚུལ།(དེ་ལ་རྣམ་ པར་དག་) རྣམ་དག་ཆོས་ཉིད་ཀྱི་དབང་པོ་རྣམས་དོན་དམ་གྱི་རྒྱལ་སྲས་རྣམས་སུ་བཞུགས་ཚུལ།(དེ་བཞིན་དུ་རྣམ་པར་) རྣམ་དག་ཆོས་ཉིད་ཀྱི་ཡུལ་དྲུག་པོ་དོན་དམ་གྱི་སེམས་མ་རྣམས་སུ་བཞུགས་ཚུལ།(དེ་བཞིན་དུ་རྣམ་པར་) རྣམ་དག་ཆོས་ ཉིད་ཀྱི་ཕུང་པོ་སུམ་བཅུ་རྩ་དྲུག་དོན་དམ་གྱི་རྒྱལ་བ་རྣམས་སུ་བཞུགས་ཚུལ།(དེ་བཞིན་དུ་གདོད་) རྣམ་དག་ཆོས་ཉིད་ཀྱི་ ཁམས་དྲུག་པོ་དོན་དམ་གྱི་དེ་བཞིན་གཤེགས་མ་དྲུག་ཏུ་བཞུགས་ཚུལ།(ད་ནི་སྔར་འཆད་) རྣམ་དག་ཆོས་ཉིད་ཀྱི་ཡན་ལག་ བཅུ་གཉིས་དོན་དམ་གྱི་ས་དང་བདེན་དོན་བཅུ་གཉིས་ལ་སོགས་པར་བཞུགས་ཚུལ།(དེ་བཞིན་དུ་ཀུན་བརྟགས་) རྣམ་ དག་ཆོས་ཉིད་ཀྱི་ཕར་ཕྱིན་རྣམས་དོན་དམ་གྱི་ནུས་མ་དང་རིག་མ་དང་མཁའ་འགྲོ་མ་དང་ཕྱག་རྒྱ་མར་བཞུགས་ཚུལ།(དེ་ བཞིན་དུ་སྦྱིན་) རྣམ་དག་ཆོས་ཉིད་ཀྱི་སྟོང་ཉིད་ཐམས་ཅད་དོན་དམ་གྱི་ལྷ་དང་སྙིང་རྗེ་དང་བདེ་བ་ཆེན་པོར་བཞུགས་ཚུལ། རྣམ་དག་ཆོས་ཉིད་ཀྱི་བྱང་ཆུབ་ཕྱོགས་ཀྱི་ཆོས་རྣམས་དོན་དམ་གྱི་ལྷ་དང་རྒྱུད་དང་གནས་ལ་སོགས་པར་བཞུགས་ཚུལ།(དེ་ བཞིན་བྱང་ཆུབ་) རྣམ་དག་ཆོས་ཉིད་ཀྱི་འཕགས་པའི་བདེན་བཞི་ལ་སོགས་པ་ཆོས་ཐམས་ཅད་དོན་དམ་གྱི་ལྷ་རྣམས་སུ་ བཞུགས་ཚུལ།(དེ་བཞིན་དུ་བཅོམ་ལྡན་) མ་དག་པ་ཀུན་རྫོབ་ཀྱི་གཟུགས་སོགས་ནི་རྣམ་དག་ཆོས་ཉིད་ཀྱི་ལྷ་རྣམས་མ་ ཡིན་པར་བསྟན་པ།(དེ་ལྟ་བས་ན་ཡང་དག་) ཚུལ་དེ་ལྟར་མཁས་གྲུབ་ཆེན་པོ་དག་གིས་ཀྱང་མདོ་རྒྱུད་སྦྱར་ནས་གསུངས་ ཚུལ།(དེ་ལྟར་མདོ་སྔགས་) རྣམ་དག་ཆོས་ཉིད་ཀྱི་ཆགས་སོགས་དང་དུས་གསུམ་ལ་སོགས་པ་ཆོས་ཐམས་ཅད་དོན་དམ་གྱི་ ལྷར་བཞུགས་ཚུལ།(དཔལ་མཆོག་) རྣམ་དག་ཆོས་ཉིད་ཀྱི་བདག་དང་སེམས་ཅན་ལ་སོགས་པ་ཡང་དོན་དམ་གྱི་ལྷ་རྣམས་སུ་ བཞུགས་ཚུལ།(དེ་བཞིན་དུ་བདག་དང་) རང་བཞིན་འོད་གསལ་གྱི་གཟུགས་སོགས་ཀྱང་སྔར་བསྟན་པ་རྣམས་དང་དོན་ ཅིག་ཚུལ།(དེ་བཞིན་དུ་གཟུགས་རང་བཞིན་) འཕོ་འགྱུར་དང་སྐྱེ་འགག་མེད་པའི་གཟུགས་སོགས་ཀྱང་སྔར་བསྟན་པ་ དང་དོན་གཅིག་ཚུལ།(གཟུགས་ལ་འཕོ་བ་མེད་) དོན་དེ་དག་ཡུམ་རྒྱས་འབྲིང་ལ་སོགས་པའི་དགོངས་པ་ཡིན་པར་བསྟན་ པ།(ཡུམ་རྒྱས་པ་) དེ་རྣམས་གནས་ལུགས་ཀྱི་སྔགས་དང་རྒྱུད་དང་དཀྱིལ་འཁོར་དང་ཕྱག་རྒྱ་ལ་སོགས་པར་ཡང་བཞུགས་ ཚུལ་ལོ། །(དེ་ལྟར་གདོད་ནས་) བརྒྱད་པ་ལ་ལྔ། སྟོང་ཉིད་ཐམས་ཅད་རང་སྟོང་གཞན་སྟོང་གཉིས་སུ་ལེགས་པར་གཏན་ལ་ དབབ་པ།(དེ་བཞིན་དུ་སྟོང་ཉིད་) དེ་དག་ལས་སྟོང་གཞི་གང་ཡིན་ཐམས་ཅད་དོན་དམ་གྱི་ལྷ་དང་སྙིང་རྗེ་ལ་སོགས་པར་

1-1-6

བཞུགས་ཚུལ།(རྒྱུད་སྡེ་རིན་པོ་ཆེ་) དེ་ལྟར་རྟོགས་ན་མཐའ་གཉིས་སྤངས་པའི་དབུས་སམ་བར་མ་མ་ནིང་དང་དཔེ་བྲལ་ དང་ཕུང་པོ་གསུམ་པར་རྟོགས་ཚུལ།(དེ་རྟོགས་ན་) དེ་ལ་འཁྲུལ་པའི་ལོག་རྟོག་མང་པོ་སྤངས་ནས་དོན་ཡིན་ལུགས་བཞིན་ བསྟན་པ།(གལ་ཏེ་དེ་ལྟ་ན་) སྟོང་ཉིད་སྙིང་རྗེ་ཇི་སྙེད་གསུངས་པ་ཐམས་ཅད་ཀྱི་སྟོང་ཚུལ་གཉིས་གཉིས་སུ་བསྡུས་ནས་ བསྟན་པའོ། །(དེ་ལྟར་སྟོང་པ་) ལམ་གྱི་སྐབས་སོ། །(རྣམ་དག་)ལམ་དེས་བྲལ་བ་དང་བསྐྱེད་པའི་འབྲས་བུ་བཤད་པ་ལ་ གསུམ། ཐེག་ཆེན་འབྲས་བུ་སྤྱིར་བསྟན་པ།(དེ་ལྟར་ཡང་དག་པའི་) དེ་ཡི་དོན་རྒྱས་པར་བཤད་པ། ཕྱག་འཚལ་ཞིང་ཉེ་ བར་བསྡུ་བའོ། །(ད་ནི་དེ་དག་ཉིད་ལ་) བར་པ་ལ་དྲུག། ཤིན་དུ་ངོ་མཚར་བའི་སྐུ་ཕུན་ཚོགས་བཤད་པ། ཡེ་ཤེས་ཕུན་ ཚོགས་བཤད་པ། ཡོན་ཏན་ཕུན་ཚོགས་བཤད་པ། ཕྲིན་ལས་ཕུན་ཚོགས་བཤད་པ། ཞིང་ཁམས་དང་གླེང་གཞིའི་ཁྱད་པར་བསྟན་ པ།(དེ་ལྟར་ཆེས་ཤིན་ཏུ་) ཁྱད་པར་གཞན་ཡང་རྒྱ་ཆེར་བསྟན་པའོ། །དང་པོ་ལ་དྲུག ཐེག་ཆེན་ཐུན་མོང་བ་ལ་གྲགས་ པའི་སྐུའི་དབྱེ་བ། ཐུན་མོང་མ་ཡིན་པ་གསང་སྔགས་ཀྱི་སྐུའི་དབྱེ་བ། དེ་དག་འཕགས་པ་འཇམ་དཔལ་གྱིས་ཇི་ལྟར་གསུངས་པའི་ ཚུལ།(དེ་བཞིན་དུ་འཕགས་པ་) ལོངས་སྤྱོད་རྫོགས་པ་དང་སྤྲུལ་སྐུ་ལ་བདེན་གཉིས་སུ་དབྱེ་བ།(འདིར་ལོངས་སྤྱོད་) དོན་དམ་བདེན་པ་ཉིད་གནས་ལུགས་ཀྱི་སྐུ་བཞིར་བཞུགས་ཚུལ། ཆོས་ཉིད་ཀྱི་སྐུ་ལྔ་དང་རིགས་དྲུག་ལ་རྨོངས་མི་རྨོངས་ཀྱི་ཁྱད་ པར་བསྟན་པའོ། །(དེ་བཞིན་དུ་ཆོས་ཉིད་) དང་པོ་ལ་གསུམ། གནས་ལུགས་ཟབ་མོའི་སྐུ་གཅིག་ཏུ་བས་ཚུལ།(དེ་ལ་ སངས་རྒྱས་) བདེན་པ་གཉིས་ཀྱི་སྐུ་གཉིས་སུ་དབྱེ་བ།(དེ་ལ་སྐུ་གཉིས་ནི་) བདེན་གཉིས་ཀྱིས་བསྡུས་པའི་སྐུ་གསུམ་དུ་ དབྱེ་བའོ། །(དེ་ལ་སྐུ་གསུམ་ནི་) ཐུན་མོང་མ་ཡིན་པ་གསང་སྔགས་ཀྱི་སྐུའི་དབྱེ་བ་ལ་གཉིས། སྐུ་གཅིག་ནས་ལྔའི་བར་དུ་ དབྱེ་བ་དང༌།(ཐུན་མོང་མ་ཡིན་པ་) དེ་རང་བཞིན་གྱི་རིགས་དང་དོན་གཅིག་ཚུལ་ལོ། །(དེ་ལྟར་དེ་རྣམས་) དོན་དམ་ བདེན་པ་ཉིད་གནས་ལུགས་ཀྱི་སྐུ་བཞིར་བཞུགས་ཚུལ་ལ། བསྟན་པ། བཤད་པ། བསྡུ་བ་གསུམ་ལས།(དེ་བཞིན་དུ་འཇམ་ དཔལ་) དང་པོ་ལ་གཉིས། གནས་ལུགས་ཟབ་མོའི་སྐུ་བཞི་བསྟན་པ་དང༌།(དེའི་ཕྱིར་སྟོང་གཞི) དེ་གཟུགས་ཀྱི་སྐུ་མ་ཡིན་ པར་བསྟན་པའོ། །(དེ་ཡང་རྗེ་བཙུན་) རྒྱས་བཤད་ལ་བཅུ། གནས་ལུགས་དེ་ཉིད་སྐུ་བཞི་དང་བཅུ་དྲུག་ལ་སོགས་པར་ བཞུགས་ཚུལ།(དེ་བཞིན་དུ་རྣམ་པར་) དེ་ཉིད་སྐུ་ལྔ་ཡེ་ཤེས་ལྔའི་བདག་ཏུ་ཀུན་ལ་ཁྱབ་པར་བཞུགས་ཚུལ།(དེའི་ཕྱིར་ དོན་དམ་) དེ་ཉིད་ཕྱོགས་དང་བྲལ་བའི་མྱང་འདས་དེ་ཁོ་ན་ཉིད་དུ་བཞུགས་ཚུལ།(རྗེ་བཙུན་འདི་ཉིད་ཀྱི་) དེ་ཉིད་ འདུས་མ་བྱས་ཀྱི་དགའ་བ་བཞི་དང་བཅུ་དྲུག་ཏུ་ཡང་བཞུགས་ཚུལ།(དེ་ཉིད་སེམས་ཅན་) དེ་ཉིད་སྐུའི་རབ་ཏུ་དབྱེ་བ་ བཅུ་དྲུག་ཏུ་ཡང་བཞུགས་ཚུལ།(དེ་ཉིད་ཁོ་ན་) དེ་ཉིད་རྣམ་ཐར་བཞི་དང་རྣལ་འབྱོར་བཞི་ལ་སོགས་པར་ཡང་བཞུགས་ ཚུལ།(དེ་ཉིད་ལྷན་ཅིག་) དེ་ཉིད་ཐམས་ཅད་མཁྱེན་པ་ལ་སོགས་པ་སྐུ་བཞིའི་རྣམ་གྲངས་དང་རྡོ་རྗེ་བཞིར་ཡང་བཞུགས་ ཚུལ།(སྟོང་པ་ཉིད་ཀྱི་) དེ་ཉིད་མངོན་བར་བྱང་ཆུབ་པ་བཞི་དང་དོན་ཀུན་གཟིགས་པ་ལ་སོགས་པ་བཞིར་ཡང་བཞུགས་ ཚུལ།(དེ་བཞིན་དུ་སྐ་ཅིག་) དེ་རྣམས་ཐམས་ཅད་ལུས་ཀྱི་འཁོར་ལོ་བཞི་ལ་བཞུགས་ཚུལ། འཁོར་ལོ་བཞིར་དབུགས་ཀྱི་རྒྱུན་ འགགས་པས་དེ་རྣམས་ཐོབ་ཚུལ་ལོ། །(དེ་བཞིན་དུ་དུས་ཀྱི་) དགུ་པ་ལ་བཅུ་བདུན། དེ་རྣམས་ཉིད་བརྗོད་དུ་མེད་པའི་ཨཱ་ ལི་ཀཱ་ལི་ལ་སོགས་པར་བཞུགས་ཚུལ།(དེ་བཞིན་དུ་འཕགས་པ་) དེ་རྣམས་ཉིད་འགྱུར་མེད་ཡོངས་གྲུབ་ཀྱི་སྐུར་བཞིར་ཡང་ བཞུགས་ཚུལ།(ལྷན་ཅིག་སྐྱེས་) དེ་རྣམས་ཉིད་གནས་སྐབས་གཞན་དོན་དམ་གྱི་གནས་སྐབས་བཞིར་ཡང་བཞུགས་ཚུལ།(ལྟེ་ བར་བཞི་པ་) དེ་རྣམས་ཉིད་སྟོང་གཞི་དོན་དམ་གཞན་སྟོང་གི་རྡོ་རྗེ་བཞིར་ཡང་བཞུགས་ཚུལ།(དཔྲལ་བར་སྐུ་) དེ་

1-1-7

རྣམས་ཉིད་ཆོས་སྐུའི་ཨེ་བྂ་མ་ཡ་དང་ཡུམ་བཞིར་ཡང་བཞུགས་ཚུལ།(ལྟེ་བར་ཨེ་) དེ་རྣམས་ཉིད་སྐ་ཅིག་གཞན་དཔེ་བྲལ་ དབུ་མའི་སྐ་ཅིག་མ་བཞིར་ཡང་བཞུགས་ཚུལ།(སྐ་ཅིག་མ་) དེ་རྣམས་ཉིད་དགའ་བ་གཞན་རང་བཞིན་འགྱུར་མེད་ཀྱི་དགའ་ བ་བཞིར་ཡང་བཞུགས་ཚུལ།(དེ་བཞིན་དུ་དགའ་) དེ་རྣམས་ཉིད་བདེན་བཞི་གཞན་ཆོས་སྐུའི་བདེན་པ་བཞིར་ཡང་ བཞུགས་ཚུལ།(དེ་བཞིན་དུ་སྡུག་) དེ་རྣམས་ཉིད་གནས་ལུགས་བདེ་གཤེགས་སྙིང་པོའི་དེ་ཁོ་ན་ཉིད་བཞིར་ཡང་བཞུགས་ ཚུལ།(དེ་ཁོ་ན་ཉིད་) དེ་རྣམས་ཉིད་དེ་བཞིན་ཉིད་ཀྱི་ངར་བྱེད་པ་དང་སྒྲ་བརྗོད་པ་ལ་སོགས་པ་བཞིར་ཡང་བཞུགས་ ཚུལ།(དཔྲལ་བར་ངར་) དེ་རྣམས་ཉིད་སྡེ་བ་གཞན་ཆོས་ཉིད་ཀྱི་སྡེ་པ་བཞིར་ཡང་བཞུགས་ཚུལ།(སྡེ་བ་བཞི་) དེ་རྣམས་ ཉིད་རང་བཞིན་གཉུག་མའི་ཟླ་ཉི་སྒྲ་གཅན་ལ་སོགས་པར་ཡང་བཞུགས་ཚུལ།(ཟླ་བ་ནི་) དེ་རྣམས་ཉིད་འཕོ་བ་གཞན་འགལ་ འདུས་སྐྱོན་མེད་ཀྱི་འཕོ་བ་བཅུ་དྲུག་ལ་སོགས་པར་ཡང་བཞུགས་ཚུལ།(དཔྲལ་བར་འཕོ་) དེ་རྣམས་ཉིད་ཐུན་མཚམས་ གཞན་རང་བཞིན་འོད་གསལ་གྱི་ཐུན་མཚམས་བཞིར་ཡང་བཞུགས་ཚུལ།(སྔར་བཤད་པའི་) དེ་རྣམས་ཉིད་ཀུན་སྤྱོད་གཞན་ རང་བཞིན་ལྷན་སྐྱེས་ཀྱི་ཀུན་སྤྱོད་བཞིར་ཡང་བཞུགས་ཚུལ།(དཔྲལ་བར་ནི་) དེ་རྣམས་ཉིད་དོན་དམ་(འགོག་བདེན་ གྱི་)བྱང་ཆུབ་ཕྱོགས་ཆོས་རྣམས་སུ་ཡང་བཞུགས་ཚུལ།(བྱང་ཆུབ་ཀྱི་) དེ་རྣམས་ཀྱི་དོན་བསྡུས་ཏེ་ཐམས་ཅད་ལ་བདེན་ གཉིས་རྣམ་དབྱེ་ཤེས་དགོས་པར་གདམས་པའོ། །(འདིར་ཡང་གནས་སྐབས་) ཤིན་དུ་ངོ་མཚར་བའི་ཡེ་ཤེས་ཕུན་ཚོགས་ བཤད་པ་ལ་གསུམ། རང་བྱུང་གཞན་བྱུང་གི་ཡེ་ཤེས་མདོར་བསྟན་པ།(དེ་ལྟར་དོན་དམ་པའི་) དེ་དག་སོ་སོར་ཕྱེ་སྟེ་རྒྱས་ པར་བཤད་པ། དེ་དག་གི་ཁྱད་པར་གསུང་རབ་དང་འཐུན་ཚུལ་ལོ། །བར་པ་ལ་གཉིས། གཞན་བྱུང་ཡེ་ཤེས་རྒྱུ་དང་བཅས་པར་ བཤད་པ།(དེ་ཡང་མདོ་སྡེ་) རང་བྱུང་ཡེ་ཤེས་རྒྱུ་མེད་རྐྱེན་མེད་བཤད་པའོ། །འདི་ལ་བདུན། ཕུང་པོ་གཞན་རང་བཞིན་གྱིས་ འཇིག་རྟེན་ལས་འདས་པའི་ཕུང་པོ་རྣམས་ཡེ་ཤེས་ལྔར་བཞུགས་ཚུལ།(རྒྱུད་སྡེ་ཟབ་མོ་) གཟུགས་གཞན་གཟུགས་ཆེན་པོ་ལ་ སོགས་པ་རྒྱལ་བ་རྣམས་སུ་བཞུགས་ཚུལ།(དེ་བཞིན་དུ་བསྡུས་པའི་) ཁམས་གཞན་ཆོས་ཉིད་གཉུག་མའི་ཁམས་རྣམས་ བདེ་བར་གཤེགས་མ་རྣམས་སུ་བཞུགས་ཚུལ།(གཞན་ནི་ཁམས་དྲུག་) དོན་དམ་པའི་མཚན་བརྗོད་ཀྱིས་རང་བྱུང་ཡེ་ཤེས་ ལྔ་རྒྱས་པར་བསྟན་ཚུལ།(དེ་བཞིན་དུ་མཚན་) སྟོང་པ་ཆེན་པོ་ཡི་གེ་ལྔས་ཀྱང་རང་བྱུང་ཡེ་ཤེས་ལྔ་གསལ་བར་བསྟན་ ཚུལ།(དཔལ་ལྡན་རྒྱུད་དུ་) ཐིག་ལེ་སྟོང་པ་འགྱུར་མེད་དྲུག་ཀྱང་དེ་དང་དབྱེར་མེད་པར་བསྟན་པ།(གཅིག་དང་དུ་མ་ དག་ཀྱང་) དེ་རྣམས་ཉིད་དཀྱིལ་འཁོར་འཁོར་ལོ་ལ་སོགས་པར་ཡང་བཞུགས་ཚུལ་ལོ། །(ཀྱེའི་རྡོ་རྗེར་ཡང་) དེ་དག་གི་ ཁྱད་པར་གསུང་རབ་དང་འཐུན་ཚུལ་ལ་བཞི། སངས་རྒྱས་ལྟར་ཡེ་ཤེས་ལ་ཡང་བདེན་གཉིས་རྣམ་དབྱེ་ཤེས་དགོས་པར་བསྟན་ པ།(དེ་ལྟ་བས་ན་) བདེན་གཉིས་ཀྱིས་བསྡུས་པའི་ཡེ་ཤེས་དེ་དག་ཡོངས་གྲུབ་གཉིས་དང་དོན་གཅིག་ཏུ་བསྟན་པ།(དེ་ བཞིན་དུ་ངོ་བོ་ཉིད་) ཡང་དེ་དག་ཉིད་དེ་བཞིན་ཉིད་དང་ཡང་དག་ཡེ་ཤེས་ཀྱི་དོན་དུ་ཡང་གནས་ཚུལ།(དེ་བཞིན་དུ་ མིང་དང་) དེས་ན་སངས་རྒྱས་ལ་བདེན་གཉིས་ཀྱི་ཡེ་ཤེས་དགུའམ་བཅུ་བཞི་མངའ་བར་བསྟན་པའོ། །(དེ་ལ་ཤིན་ཏུ་) ཤིན་ཏུ་ངོ་མཚར་བའི་ཡོན་ཏན་ཕུན་ཚོགས་བཤད་པ་ལ་ལྔ། སངས་རྒྱས་ཀྱི་ཡོན་ཏན་རྣམས་བདེན་གཉིས་སུ་བསྡུས་ཏེ་བཤད་པ་ དངོས། དེ་ལས་འཕྲོས་པའི་བརྒལ་ལན་གྱིས་དགོངས་པ་ཟབ་མོ་ཕྱེ་སྟེ་བཤད་པ། ཐེག་ཆེན་ལ་ཐུན་མོང་དུ་གྲགས་པའི་སྐུ་གསུམ་གྱི་

1-1-8

ཤེས་བྱེད་དང་ཡོན་ཏན་བསྟན་པ།(དེ་ལྟར་བདེན་པ་) ཡོན་ཏན་གྱི་ཁྱད་པར་རྨད་དུ་བྱུང་བ་གཞན་ཡང་བསྟན་པ།(བྱང་ ཆུབ་སེམས་) དེ་ཐམས་ཅད་བསམ་གྱིས་མི་ཁྱབ་ཅིང་ངོ་མཚར་བར་བསྟན་པའོ། །(དད་པའི་སྟོབས་) དང་པོ་ལ་གཉིས། དོན་དམ་ཆོས་སྐུའི་ཡོན་ཏན་དང༌།(དེ་ལྟར་དོན་དམ་) ཀུན་རྫོབ་གཟུགས་སྐུའི་ཡོན་ཏན་ནོ། །(ཀུན་རྫོབ་གཟུགས་) དེ་ ལས་འཕྲོས་པའི་བརྒལ་ལན་གྱིས་དགོངས་པ་ཟབ་མོ་ཕྱེ་སྟེ་བསྟན་པ་ལ་ལྔ། སངས་རྒྱས་བསམ་གྱིས་མི་ཁྱབ་པ་དང་ཁས་ལེན་མེད་ པའི་དགོངས་པ་བཤད།(གལ་ཏེ་སངས་རྒྱས་གཅིག་) གནས་ལུགས་ལ་ཡོངས་གཅོད་ཏུ་གྲུབ་པའི་ཆོས་མེད་པར་འདོད་པ་ སྤང༌།(དེ་བཞིན་དུ་གནས་) མྱང་འདས་ཆེན་པོ་འཁོར་འདས་དབྱེར་མེད་ཀྱི་དོན་དུ་བསྟན།(གལ་ཏེ་མྱང་འདས་) དེ་ ཡང་འགལ་འདུས་སྐྱོན་མེད་ཕུང་པོ་གསུམ་པའི་དོན་དུ་བསྟན།(དེ་བཞིན་དུ་སྲིད་མེད) དེ་ལྟར་ཤེས་ན་རྒྱལ་སྲས་དགོངས་ ཆེན་མཐོང་བའི་རྟགས་སུ་བཤད་པའོ། །(དེ་ལྟར་མཐོང་ན་) ཤིན་ཏུ་ངོ་མཚར་བའི་ཕྲིན་ལས་ཕུན་ཚོགས་བཤད་པ་ལ་གསུམ། ཕྲིན་ལས་དང་དེའི་འབྱུང་གནས་མདོར་བསྟན་པ།(དེ་ལྟར་དེ་བཞིན་གཤེགས་) དཔེ་དང་བཅས་ཏེ་རྒྱས་པར་བཤད་ པ།(འདི་ན་འཇིག་རྟེན་) དཔེ་ཤིན་དུ་མང་པོས་རབ་ཏུ་རྒྱས་པར་བཤད་པའོ། །(རྒྱུད་བླ་མར་) ཁྱད་པར་གཞན་ཡང་རྒྱ་ ཆེར་བསྟན་པ་ལ་བཅུ་དྲུག གཞི་འབྲས་ངོ་བོ་དབྱེར་མེད་ལ་རྩོད་པ་སྤངས་ནས་སྐུ་གཉིས་ཐོབ་ཚུལ་བསྟན་པ།(གལ་ཏེ་གཞི་ འབྲས་) དྲི་མ་སྦྱོང་ཚུལ་དང་ས་ལམ་བགྲོད་ཚུལ་བསྡུས་ཏེ་བསྟན་པ།(གསེར་འོད་དམ་པ་) ས་ལམ་བགྲོད་པ་ལ་དབུགས་ ཀྱི་རྒྱུན་འགག་དགོས་པར་བསྟན་པ།(དྲི་མ་ཟད་པས་) དེ་འགག་པས་མཐར་ཐུག་གི་གནས་གྱུར་ཟབ་མོ་ཐོབ་ཚུལ།(དེ་ལྟར་ དབུགས་) དེ་ཐོབ་པའི་ཚེ་སྦྱང་བྱ་དྲི་མ་ཟད་ཀྱང་སྦྱང་གཞི་དོན་དམ་མི་ཟད་པར་བསྟན་པ།(དེ་བཞིན་དུ་ལྗོན་ཤིང་) དེ་ དག་ཟད་མི་ཟད་ཀྱི་དཔེ་རྣམས་ལས་ནམ་མཁའ་ཉིད་མཆོག་ཏུ་བསྟན་པ།(དེ་དག་ལས་ཀྱང་) སྦྱང་གཞི་མི་ཟད་པར་གྲུབ་ པས་ཡེ་ཤེས་རྒྱུན་ཆད་ལ་སོགས་པ་ཡང་ཁེགས་པར་བསྟན་པ།(གསུང་རབ་འདི་དག་) འཁྲུལ་པ་ཟད་པའི་ཡེ་ཤེས་ལ་འཁྲུལ་ སྣང་འདི་མི་འཆར་བར་བསྟན་པ།(དེ་བཞིན་དུ་གློ་བུར་) དེ་ཙམ་གྱིས་ཆད་པར་ལྟ་བའི་སྐྱོན་དུ་ཡང་མི་འགྱུར་བར་བསྟན་ པ།(དེ་ཙམ་གྱིས་ཆད་)འཁྲུལ་པ་ཟད་པ་ལ་མི་སྣང་ཡང་མ་ཟད་པ་ལ་སྣང་བ་མི་འགལ་བར་བསྟན་པ།(དེ་ལྟར་ཆོས་ཉིད་) ཡེ་ཤེས་ལ་སྣང་བ་དེ་རྣམ་ཤེས་ལ་མི་སྣང་ཞིང་རྣམ་ཤེས་ལ་སྣང་བ་དེ་ཡེ་ཤེས་ལ་མི་སྣང་བར་བསྟན་པ།(ཆོས་དང་ཆོས་ཉིད་) ཡེ་ཤེས་དེས་དོན་ལ་མེད་པའི་ཁམས་གསུམ་འདི་གཟིགས་ན་དོན་ལ་གནས་པའི་ཆོས་ཉིད་མི་གཟིགས་པར་ཧ་ཅང་ཐལ་བ།(ཡང་ དེ་ཉིད་དུ་) རྣམ་ཤེས་ལས་མ་འདས་པའི་ཁམས་གསུམ་འདི་སྣང་ན་དེ་རྣམ་ཤེས་ལས་མ་འདས་པར་ཧ་ཅང་ཐལ་བ།(གཞན་ ཡང་ཁམས་གསུམ་) ཡང་དག་མ་ཡིན་པའི་ཁམས་གསུམ་འདི་སྣང་ན་དེ་ཡང་དག་མཐོང་བའི་ཡེ་ཤེས་མ་ཡིན་བར་ཧ་ཅང་ ཐལ་བ།(གལ་ཏེ་འདི་) སྡུག་བསྔལ་ཀུན་འབྱུང་འདི་སྣང་ན་སྲིད་པའི་ས་བོན་དང་གཉིས་སྣང་རྣམས་མ་འགགས་པར་ཧ་ཅང་ ཐལ་བ།(གཞན་ཡང་ཁམས་གསུམ་) དེ་རྣམས་ལ་སྐྱོན་མེད་སྐྱོན་དུ་མཐོང་བའི་ལོག་རྟོག་བསལ་བའོ། །འདི་ལ་བཅུ་གསུམ། ལུང་དང་འགལ་བར་འཁྲུལ་བའི་ལོག་རྟོག་དགོད་པ།(གལ་ཏེ་དེ་ལྟ་ན་) མི་འགལ་བར་ལུང་ཉིད་ཀྱིས་ལེགས་པར་སྒྲུབ་ པ།(སྐྱོན་མེད་ཏེ་) དེས་མ་མཐོང་བ་ཉིད་མཐོང་བར་གསུངས་པའི་དགོངས་པ་ཡང་གསལ་བར་གྱུར་ཚུལ།(དེ་ལྟར་མི་ སྣང་) ལྷག་མཐོང་ཡོད་མེད་ཀྱི་སྣང་ཚུལ་ཡང་མི་གཅིག་པར་བསྟན་པ།(སངས་རྒྱས་ཕལ་པོ་) མཁྱེན་པ་ལ་ཆོས་དེ་སྣང་ དགོས་ན་ཧ་ཅང་ཐལ་བས་གནོད་ཚུལ།(གལ་ཏེ་མཁྱེན་) ཡེ་ཤེས་ལ་ཆོས་ཉིད་མི་སྣང་བ་ལ་སོགས་པར་འཁྲུལ་བའི་འཁྲུལ་ གཞི་བསྟན་པ།(དེའི་ཕྱིར་ཡེ་ཤེས་) དོན་ལ་གནས་པ་བསྟན་པས་ལོག་རྟོག་གཞན་ཡང་སེལ་ཚུལ།(དེ་ལྟ་བས་ན་དོན་

1-1-9

དམ་) ལུང་གིས་མི་གནོད་ཀྱང་གནོད་པར་འཁྲུལ་བའི་ལོག་རྟོག་བསལ་བ།(གལ་ཏེ་ཁམས་གསུམ་) དེས་ན་སེམས་ཅན་ ལ་སྣང་བ་བཞིན་སངས་རྒྱས་ལ་སྣང་ན་ཧ་ཅང་ཐལ་བ།(གལ་ཏེ་དེ་ལྟ་) དེས་ན་ལས་སྣང་ཁམས་གསུམ་པ་འདི་གནས་ལུགས་ ལ་སྣང་བ་ཙམ་དུ་ཡང་མ་གྲུབ་པ།(དེས་ན་སེམས་ཅན་) གནས་ལུགས་ལ་མི་སྣང་ཡང་འཁྲུལ་ལུགས་ལ་སྣང་བ་མི་འགལ་ བར་བསྟན་པ།(གལ་ཏེ་དེ་ལྟ་) མཉམ་བཞག་རིགས་པའི་ཤེས་པ་ལ་གང་སྣང་དེ་དོན་དམ་དུ་བསྟན་པ།(དེ་ལྟ་བས་ན་) མཉམ་པར་མ་བཞག་པའི་གོ་སྐབས་སངས་རྒྱས་ལ་མི་སྲིད་པར་བསྟན་པའོ། །(གལ་ཏེ་རྒྱལ་བའི་) འབྲས་བུའི་སྐབས་ སོ། །(ལམ་གྱིས་དྲི)། །ས་བཅད་ཅེས་བྱ་གཞུང་དོན་ཚན་ཚན་དུ། །བསྡུས་ནས་འབྱེད་པ་སྡོང་ཆེན་ལྟ་བུ་ཡིན། །དེ་ཡི་ཡལ་ག་སོ་ སོར་འགྱེས་པ་ལ། །ཡི་གེ་གྲངས་མཉམ་དགོས་ཤེས་མཁས་གཞན་བཞེད། །དེ་དང་རྗེས་འཐུན་བདག་གིས་གཞན་དུ་ བཀོད། །འདིར་ནི་རྗེ་བཙུན་དག་གི་ཞལ་སྔ་ནས། །ཚིག་ལ་མི་རྟོན་དོན་ལ་རྟོན་ཅིག་ཅེས། །ལེགས་པར་གསུངས་པའི་རྗེས་སུ་ འབྲངས་པ་ཡིན། །གཙོ་བོའི་དོན་དེ་དངོས་སུ་སྨོས་པ་ཡིས། །འཁོར་དུ་གཞན་ཡང་ཞོར་ལ་འབྱུང་སྲིད་མོད། །གཙོ་བོ་དེ་ཉིད་སྨོས་ པ་མཁས་པའི་ལུགས། །སླ་བའི་གནས་སུ་ཕྲ་མོར་མ་ཕྱེ་ཡང༌། །བློ་ལྡན་རྣམས་ལ་གགས་སུ་འགྱུར་བ་མེད། །འདིར་འབད་དགེ་བ་ རབ་དཀར་རྒྱ་ཆེན་དེས། །འཁྲུལ་པ་ཐམས་ཅད་མྱུར་དུ་རབ་འགགས་ཤིང༌། །མ་འཁྲུལ་གནས་ལུགས་ཟབ་མོ་མྱུར་ཐོབ་ཤོག། །། ཨོཾ་ ཨཱཿཧཱུྃ་ཧོཿཧྂ་ཀྵཿ ཞུས་དག་གོ།

1-1-10

༄༅། །རི་ཆོས་ངེས་དོན་རྒྱ་མཚོ་ཞེས་བྱ་བ་མཐར་ཐུག་ ཐུན་མོང་མ་ཡིན་པའི་མན་ངག་བཞུགས།